Geologie ENCI-mien wuuert in kaart gebrach
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 14 augustus 2019 - Noe me is oetgesjèdj mit 't oetmiene vanne ENCI zal me de baom enne wenj vannen aje gróndj dao in kaart gaon bringe. Me verwach det me toet en mit vriedig hiemit besjeftig is. Door 't in kaart bringe vanne gróndj dae miljoene jaor aad is wille geologe vanne universiteiten in Leuven en Brössel de gesjiechte vanne baom vasstèlle veure toekumstige zjinneraasjes. Me duit dit in samewirking mit Netuurmonumènten en 't Netuurhistorisch Museum van Mestreech.
Vanaaf det de ENCI is opgehuuerdj mit 't aafgrave vanne melgerlaog vanne Sint Pietersberg is me begós mit 't ómvörme vanne mien nao e netuurgebied. E drek gevolg hievan is det de bloeate mienwenj begreudj gaon waere mit plantje, wodoor dees nimmieë besjikbaar zeen veur vörsjing. Door noe steinmatterjale te vergare kan m'n e 3D-modèl make vanne mien. De stein die me hiebie wintj zal me bewaren en äöpenbaar toegenkelik make veur vörsjers en gesjiechtegelieërdje.
De stein inne mien zeen specefiek intersant. Dees zeen namelik zoeaget seventig miljoen jaor aad en kómmen oeten tied det de dinosauriërs nag oppe werreld róndjlepe. 't Gebied van en róntjelóm Mestreech waas toe nanneet 't karakteristiek Heuvellandj waat 't noe is, mer inplaats 'n subtroeapische, óndepe zieë, worin ónger anger de Maasaektes (ouchwaal Mosasaurus geneump) zwóm. Mit 't aafgrave vanne melgerblök kome väöl versjillige fossiele nao baove, worónger die van dees imposante bieëster. Hiemit wós de Sint Pieëtersberg internasjenaal inne belangstèlling te kómme. De periood worin de Maasaektes veurkoom is zelfs nao de stad verneump: 't Maastrichtien.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.