Gojen ómzit DSM tróds perbleme beveurräöjing
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 2 november 2021 - Tróds perbleme mit 't aanhaje vanne veurraod van perduksjegeujer is 't 't speciaalsjemiebedrief DSM gefloep 't lèste tiedsvak 'nen duchtig hoger ómzit te drejje. Veural 't óngerdeil det ane auto-industrie levert is flink gegrujdj tróds 'n werreldwiej mankaasjen aan kómpjoeterchips in daen sector. In 't zelvendje tiedsvak van 't vurrig jaor haw DSM nag las vanne gevolge vanne coronacrisis.
't Grótste óngerdeil van DSM is de aafdeiling die aeteswaaringrediënte maak; dao maakdje m'n 'nen ómzit van 14 perzent hoger, ónger angere door 'n sterke vraog veur ingrediënten in deervoor en verzorgingsperdukte. d'n Ómzit bie de auto-industrie waas gegrujdj mit 31 perzent. Tróds de grótteren ómzit wiltj DSM dees aafdeiling verkoupen en zich mieë gaon richten op gezóndjheids, aeteswaar en bioweitesjappe.
De opbringste van DSM waas in 't derdje kwartaal 2,3 miljard euro; 'n toenaam van 17 perzent op 't vurrig jaor. De verraekendje wins vanne belastinge waas gegrujdj mit 26 perzent nao 425 miljoen euro.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.