Greujendj aantaal aan kempingsbezeukers geit veurbie aan Limbörg
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 31 augustus 2018 - Limbörgse kempinge höbbe neet geprofiteerdj van 't greujendj aantaal aan kempingsbezeukers in Nederlandj.
Inne ieëste hèlf van dit jaor kome 138.000 bezeukers nao de Limbörgse kempinge. Det is 0,7 percent leger es inne zelvendje periood van 't veurig jaor. Zoea bliek oet ciefers van 't CBS. Lenjelik steeg 't aantaal aan bezeukers mit 7,5 percent nao 1,6 miljoen.
Naeve de Limbörgse kempinge zogen ouch de Zieëwse en Drentse kónkurrenten 'n daling. De euverige pervinjes tróchte mieë kempingsbezeukers. Veural Greuninge (+48 percent) en Flevolandj (+22 percent) stege sterk. Die stieging kwaam veural veur raekening vanne boetelandjse bezeukers. Veural ónger Belzjen en Pruusjen is 'n kempingskentien populaer in oos landj.
De meiste kempingsbezeukers gónge nao Gelderlandj (256.000), Naord-Hollandj (248.000) en Zieëlandj (237.0000). Limbörg steit oppe zèsdje plaats.
De greuj van 't aantaal aan kempingsbezeukers steit häöks oppe óntwikkeling vanne veuraafgäöndje jaore. Doe waas veural spraok van 'n daling. 't Veurig jaor waas 't aantaal aan bezeukers nag 3,5 percent leger es in 2016.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.