Groeat gebied getroffe door brandj Helenaveen
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 2 mieërt 2018 - Dore brandj dae stónderdigs saoves is óntstangen inne Deurzer Pieël bie Helenaveen, t'r huuegdje van 't Zinkske, juus oppe grens tösse Naord-Braobantj en Limbörg, is e gebied van vieftieën hektaar getroffe.
De brandjwaer haet det sfriedigs smörges gemaldj.
De brandj óntsting stónderdigs saoves ane kantj vanne waeg en ómdet 't zómpgebied slech bereikbaar is, sting de brandjwaer machteloeas. 't Netuurgebied is, wie 't zich neump, kónterleerdj aafgeburdj gelaote.
't Getroffe gebied ligk tösse waeg en water en oetbreijing ligk nimmieë veure handj. 't Vuur smäöltj nag get en bóswachters waorsjoewe veur es 't vuur oplejtj en dreig euver te slaon. De brandjwaer haop det snieëval later oppe vriedig de brandj diffenitief duif. Ómwonendje kónne toet daen tied las höbbe vanne rouk.
De exakte oearzaak is nanneet bekandj, meh de brandjwaer geit oet van miensjelike betróchheid, aldanneet mit opzat.
't Waas d'n twieëdje kieër dizwaek det 'ne groeate brandj waas inne Deurzer Pieël. Saer steesdigs saoves woodje 'ne brandj in 't netuurgebied dae bao twieë daag doerdje.