Groeate kónsrouf Greun Gewölf in Dreesdje
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 27 november 2019 - Oppe nach van zóndig op maondig höbbe deven hieël raffineerdj toegeslagen in 't Greun Gewölf (Grüne Gewölbe), e bekandj kónsgesjiechtelik museum inne Duutsje stad Dreesdje. De waerd vanne gestaole geujer bedruueg gesjatj zoea hóngerd miljoen toet e miljaar euro. Daomit is 't dinkelik de grótste kónsrouf saeren inj vannen Twieëdje Werreldkrieg.
Wersjienlik höbbe de inbraekers profiet gadj van 'n stroumstuuering veur zoea 'n roet te kónnen inhawwen en 't boewwerk te kónnen indringe. Dore Pretionsensaal begove zie zich daorop nao de sjatkamers. Mit naam väöl sieräöj oeten achtieëndjen ieëf nome zie zich mit; dees behuuerdje toe aan luuj wie Augus de Sterken enne Saksische keurvórs.
Op filmbiljer die de pliessen höbbe vriegegaove kan me zeen wie twieë deven 'n vitrien inhawwen en mitten inhaad wiejergaon. Vanne dieëjers óntbrik vernoe nag edert späör en me wètj onnieks euver häör identiteit. Me vruch det de geruifdje kosbaarheje, die zelf lestig zeen te verkoupe, zólle waeren ómgesmóltje.
Brónne
bewirk- Dit artikel is gooddeils gegrundj op dan euvergezatj vanoeten taengenhenger oppe Nederlandjse Wikinuujs (versielink).
- Inbrekers roven juwelen van ‘onschatbare waarde’ uit museum Dresden. de Volkskrant, 25 november 2019
- Dieven plunderen schatkamer Duits museum: 'Grootste kunstroof in na-oorlogse geschiedenis’. Simone van Zwienen - Algemeen Dagblad, 25 november 2019
- Überwachungsvideo zeigt: Einbrecher kommen ins Juwelenzimmer und schlagen die Vitrine ein. Focus, 26 november 2019
Dit artikel besleit aad nuujs en maak deil oet van oos arsjief van nuujsberichte.