Häöf in Roerdale waere noe ouch bevorsj veur kempplantje
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 10 julie 2020 - Vanne zomer geit de gemèndje Roerdale d'n ónwèttelike kwieëk van kempplantjen aanpakke. Mit naam 't veurkómme van miniplantaasj in häöf wuuert hiebie veurop gestaldj. Zowaal de pliessen es boa's waeren hieveur ingezatj. De kwieëk in häöf sjientj zich namelik oet te breie; ónger ideaal waersómstenjigheje kan me mieë kemp kwieëken es de 5 gram die veur eige broek opgeit.
De börgermeisterin Monique de Boer-Beerta zaet de de kwieëk van kemp inne gemèndje allewiel normaal liek te waere, meh det 't straofbaar is en dus neet moog. Zie guuef aan zich veural zörg te maken euvere kwieëk van kemp door gezinne wo ouch jóng kinjer bie huuere. Kempkwieëk haet gevolge mit betrèkking toet häör veiligheid en gezóndjheid, meh kan ouch gevolgen höbbe veure meneer worin de kinjer opgetroch waere; 't straofbaar gedraag kan es gewuuen ervare waere, meh det is e signaal det me neet mót willen aafgaeven ane volgendje zjinneraasje.
De pliessen en boa's höbbe zoea vanne börgermeisterin de opdrach mitgekrege veure häöf tegooj te bevorsje. Wen me kempplantje vindj, truuedj me drek handjhavendj op. Dit hèltj in det de plantje kepot gemaak waeren en in sómmige vel de panjer toegaon. Dit beleid krieg kritiek van e deil inwoonders; mit naam maak me zich zörg det kinjer 't hoes oet gezatj waere wen die häör eljers daoveur keze drugs te verboewe.
De gemèndje haet de inwoonders opgerope zelf onna mit bedinkinge van kempkwieëk nao boete te traeje; det maag ouch es 'n anoniem meljing (sónger d'n eige naam op te gaeve) bieje pliesse.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.