Hektiek rónk wies Dreejlandepunt: boesse oesjedeeld
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Vols - d'r 9e jannewaar 2021, 't Winterlisje dekor in 't hujellank is vuur vöal lüj ezoeë sjön dat zie zamsdiesj massaal noa 't boesejebeed rónk 't dreejlandepunt koame. D'r opróf tsom trots lofete de waesj doe jans vest.
Op d'r N281 in höhe van De Boanhei beej Bóches riesjtoeng d'r Lemieësjerberresj jift 't sjtau. "Miedet 't Hujellank", roft de polies op. Boa's en 'Staatsbosbeheer' hant al mieë es hónderd boesse oesjedeeld aan lüj die valsj parkde in 't Volser boesejebeed.
Zuud-Limbursj is de insisjte jeëjend in Nederland oeë op dit moment op innije lokasies sjnei litt, wie i Viele en Vols. De jemingde Vols hat vriediesj opjeroffe 't sjön wies hujellanksjaf nit op te zeuke. Doa jove de lüj evvel ja jee jehuur aa. Jroeëse aantsale oes 't janse lank koame aaf op d'r sjnei rónk 't dreejlandepunt en de bussje rónk 't noaberdörp Viele.
Burjemeester Harry Leunesseen tsevolge is de hankhaboeng van de coronamaasname nit èsj 't probleem, evvel veur allem de auto's die allemoal in 't natoerjebeed sjtónt. Doadursj besjteet 't risico dat noeëddeenste nit uvveral tserech kanne went dat zouw mósse.
De jemingde hat extra boa's injezetst die optreëne teëje lüj die valsj parke in 't boesebeeed en passe op de jroepsjruse va lüj die in de bussje sjpatsiere jónt. Veur allem de parkplatse sjtónt vol mit auto's. "De tsied va warne is verjange," zeët d'r Volser burjemeester teëje L1. "De boa's hant de opdrach mitjekritt vuur direk boese oes tse dele." Dat passierte tse oft, evvel 't is nit duutliesj wievöal boese zunt oesjedeeld jewoare.
Kiek óch bewirk
Brónne bewirk
Dit artikel besleit aad nuujs en maak deil oet van oos arsjief van nuujsberichte.