Helf mitwirkers Nedcar broek drugs
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 9 november 2018 - Bieje bao-daachelikse kóntraols op drugs en alkohol bie VDL Nedcar bliek det de helf vanne mitwirkers die me haet kónterleerdj ónger invlood zeen van verduivendje middele. 't Mäöndjeliks blaad vanne beveiling van 't wagebedrief sjrief det det de veiligheid vanne perduksjelien dao-ónger haet te lieje. Wiejer wuuertj ouch 'nen oproop gedaon raekening mit einanger te haje, went e gevaor veure perduksjelien guldj ouch es gevieërlik veur anger mitwirkers. E deil vanne werknummers bleek zelfs zoea ónger invlood te zeen det zie drek mósten oetsjeie mit häör wirkzaamheje.
Hans Wijers, de vakbóndjsbestuurder van FNV Metaal haet óm twieë raejene gesjróch reageerdj op 't nuuds. Namelik det t'r 't percentaasj hieël hoeag vónj enouch det me bao daacheliks kónterleerdj. Det litste guuef namelik aan det 't hie euver e struktureel perbleem geit bieje Nedcar.
Nedcar is veur e paar jaor trögk begós mitte kóntraols, went bieje direksje kome signale binne det me dieëj hanjelen in drugs oppe wirkfloer. Daobie waardje de wagefebrik det me maotregele góng treffe taenge werknummers die drugs op tesj höbbe, wobie me e zero-tolerancebeleid góng veure. Volgendj op dees oetspraok is det de werknummers die me haet gepak veur einen daag oet werk waere gestaldj. Daobie kriege zie ouch begleijing veur van häör alkohol- en drugsbroek aaf te kómme. Euver próntj wieväöl werknummers 't geit is nanneet bekandj.
Brónne
bewirk- Drugscontrole Nedcar: 'Helft medewerkers test positief'. Job Tiems - 1Limburg, 9 november 2018
- Drugscontroles: 'Betrapte medewerkers Nedcar geschorst'. Paul Versteegen & Job Tiems - 1Limburg, 9 november 2018
Dit artikel besleit aad nuujs en maak deil oet van oos arsjief van nuujsberichte.