Hirkebós volstenjig evakueerd veur brandj Mienwaeg

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 22 april 2020 - Róndj 6:00 smorges vreug waas de evakuaasje van alle inwoonders van Hirkebósj aaf. 't Ganse dörp is laeggetróch veure brandj oppe Mienwaeg. Gans biejein höbbe zoea 4200 luuj örges anges óngerdraak wete te vinje.

De evakueerdje luuj hajen op versjillendje plaatse door. Zèstieën sporthalle zeen inne ómgaeving besjikbaar gestèldj wo zoea achhóngerd luuj kónne blieve. E good deil vanne inwoonders van 't dörp höbben aevel zelf plaats vónje bie vrunj en femielje. Inne loup vanne middig huuere zie of en wen zie trögk kónne gaon.

't Dörp zelf is innen tössentied ram aafgemaak. Iezere hègken haet m'n óm 't dörp haer gestèldj; in 't dörp zelf guldj 'n noeadverordening. De pliesse zörge daoveur det geine nag 't dörp in kump. Waal is 't industrietrein bie Hirkebós nag bereikbaar.

De evakuaasje is e besloet det oet veurzörg is gekómme. De netuurbrandj oppe Mienwaeg zörgdje namelik veur 'n gevieërlike verhuueging vanne kónzentraasje aan koealmonoxied saere brandj zich op maondig mieëder kieëre herkreeg. Dore meugelike gezóndjheidsriskaasje hievan is 't gebied róntjelóm stök veur stök óntruump gewore.

De brandj braak maondigtemiddig al oet, meh massalen inzat vanne brandjwaer, ouch oet Pruses, kós neet verkómme det de brandj zich oetbrèdje. De druuegdje enne windj zörgdje daoveur det 't vuur ederskieër weer optroch. Oppe nach van dinsdig op goonsdig haet me de brandj waal ingepirk, meh nanneet gans oetgekrege. Daoveur mót nag langer naogeblös waere.

Brónne bewirk



Dit artikel besleit aad nuujs en maak deil oet van oos arsjief van nuujsberichte.