Hitsgolf haet zien inj; dit waekinj kump verkeuling
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 22 augustus 2020 - De hitsgolf van zón twintjig daag lank löp dit waekinj intjelik aaf. Veural veure ajer luuj is det 'n verlufting, went die hawwe döks väöl las vanne hits de lèste waeke.
Wienieë de hitsgolf próntj oetsjèdj ligk aan wie werm 't wuuert. Deze zaoterdig zal de temperatuur zón 24 of 25 graod zeen; wen die óngere 25 kump, dan is de hitsgolf offesjeel veurbie. Wen d'n thermostaat waal zag zaet det 't 25 is, dan mót me nag einen daag bietèllen ane hitsgolf.
Veur zeker is de hitsgolf zónjig veurbie. Me verwach neet det 't wermer wuuert es 23 graod. Aevezieër waas dees hitsgolf ein vanne langste die m'n alzelaeve gemaeten haet inne pervinsje. Mitte twintjig daag wuuert augustus 2020 aevel neet de langste hitsgolf allertieje. Det geldj nag ummer van 12 julie toet 7 augustus in 2018, wie 't ouch wermer waas es 25 graod al die daag. Op e deil plaatsen inne pervinsje waarde 't toe nag waal 'nen daag langer, went dao woort 't pas nao 8 augustus keulder.
Veur nao 't waekinj teikentj m'n ouch wèsselvellig waer op mit 'nen helle windj. Deze maondig wuuert 't heugstes 22 graod; dao-achter wuuert 't trögk get wermer.
Brónne bewirk
Dit artikel besleit aad nuujs en maak deil oet van oos arsjief van nuujsberichte.