Hoesdokter registreertj alkoholmisbroek neet

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 25 jannewarie 2018 - Hoesdokters registreren alkoholmisbroek door patiënte neet of koum. Det kump doordet de alkoholperbleme döks neet waeren herkandj door dokters, stèltj de gezóndjheidsweitesjapperin Latifa Abidi vanne Universiteit Mestreech (UM) in 'n promoosjevorsjing.

Op alkoholgebroek van patiënte ras aldus dem ummer nag 'nen taboe wodoor 'n aop gespraek döks neet plaatsvindj dao-euver.

Aldus Abidi is bie minder es ei percent vanne patiënte mit e drankperbleem ouch det trögk te vinjen inne infermaasjesysteme van hoesdokters. "Det hoesdokters alkoholmisbroek neet registrere kan groeate gevolgen höbbe veure vouksgezóndjheid. Hiedoor circuleertj ónkómplieëte infermaasje tösse zörgverlieëners mit al de risico's daovan. Dink te biespeel ane koppeling van 't hoesdoktersinfermaasjesysteem mitten appetieëk. Sómmige millesiene gaon aevel neet same mit alkohol", zaet Abidi.

Aldusse vörsjerin haet zoeaget tieën percent vanne Nederlandjse bevoulking "'n perblematische relaasje" mit alkohol. De vörsjerin dieëj óngerzeuk bie neugen Intjhäövener gezóndjheidscentra wo hoesdokters wirke. Gans biejein nome bao 2.350 patiënte deil ane stuudje. De oetkömste vanne vorsjing zeen oetgebrach gewaoren in 't weitensjappelik tiedsjrif Current Medical Research and Opinion.