Humanitair situasie in versjeie Oekraïense sjtaej versjlechtert mit d'n daag

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

Dit artikel sjteit gesjreve in 't AGL.

't Is 'ne groep inwoeners van 't zjwaor belegerde Marioepol gelök óm de Zuud-Oekraïense havesjtad maondig te verlaote inne richting vanne door de Rósse bezatde sjtad Berdjansk. Op 'tzelfde moment hele vertaegewoordigers vanne Oekraïne en Róslandj vraejesgesjprekke. Wiewaal die nog nieks höbbe opgeleverd, gaon de gesjprekke dinsdig wiejer.

De humanitair situasie in die sjtad is dore besjetinge, zjwaor bombardemente en 't feit det väöl luuj neet kóste vlöchte biezónger sjlech. Volges de Oekraïense regering zint dao saer 't begin vanne invasie op 24 fibberwarie al 2.400 of 2.500 luuj óm 't laeve gekómme. 't Geuf e tekórt aan aete, water en mediciene, dewiel de ze wiejer weurt besjote door Róssische troepe. Boetedet geuf 't ouch berichte euver 'n giezeling in e krankehoes. Zó'n 400 luuj zouwe door Róssische troepe zien gedwonge nao 't krankehoes te gaon, woe ze vervolges woorte vasgehaje.

Ouch in anger sjtaej versjlechtert de situasie. Zoe weurt al daag gevochte róndj de huidsjtad Kiev. Inne veursjtad Irpin koom 'ne Amerikaanse zjoernalis óm 't laeve. Zinnen auto woort bie e checkpoint besjote. De börgemeister leet weite zjoernaliste neet langer in zien sjtad toe te laote, veur häör veiligheid neet op 't sjpel te zette.

Kiek ouch

Róssische armee vèlt de Oekraïne binne

Brónne

Dit artikel besleit aad nuujs en maak deil oet van oos arsjief van nuujsberichte.