Huurpriezen in Limbörg stiege get helder es 't veurig jaor
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 5 september 2018 - De prieze veur huurhoezer in Limbörg zeen dit jaor gemiddeldj mit 1,8 percent gestege. Det is get mieër es de huurverhuueging van 't veurig jaor.
In 2017 stege de mäöndjelikse huurlaste nag mit 1,6 percent, get minder dus es dit jaor.
Mitte priesstieging is Limbörg euveriges gein oetzunjering oppe res van 't landj; euveral stege de hure. Limbörgse huurders moge zich nawwel inne henj kniepe mit dees rilletief klènder stieging, went in gans Nederlandj steeg d'n huurpries helder, mit gemiddeldj 2,3 percent. Det bliek oete ciefere van 't Centraalburo veure Stattestiek (CBS).
De huurprieze waere jäörliks verhuueg in julie, meh dao kump nag get extra baovenop wen 'ne nujen huurder 't hoes inkump. Den zeen verhuurders zich de kans de pries gemiddeldj mit 0,3 percent te verhuuege baovenoppe gemiddeldje jäörlikse verhuueging van 1,5 percent. Gans biejein kump daomit de gemiddeldje verhuueging oet op 1,8 percent.
Aldus 't CBS zeen de stiegingen 't grótste inne Randjstad en veural inne veer groeate stej: Amsterdam, d'n Haag, Utrech en Rotterdam. In lenjelike pervinsjes wie Zieëlandj, Limbörg en Drenthe waas de priesstieging 't leegste. Aldus 't stattestiekeburo waeren hie de prieze minder verhuueg wen 'ne nuje beweuner 't hoes inkump.
De jäörlikse huurverhuueging wuuertj beraekendj op gróndj vanne stieging vanne kónsumentepriezen in 't jaor daoveur. Daobaovenop kump nag 'nen opslaag, aafhenkelik van 't inkómme vannen huurder. Lenjelik is de gemiddeldjen huurpries de aafgeloupe zès jaor gestege mit 18,5 percent. Aldus 't CBS is det väöl mieër es de stieging van kónsumentepriezr mit 8,5 percent inne zelvendje periood.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.