IS eisj aansjlaag op raadvaerders in Tadzjikisjtan op
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
_-_TJK_-_UNOCHA.svg)
31 juli 2018 - 't Liek loeter mier d'rop det 't drama van d'n aafgeloupe zóndig in Danghara, in 't zuje van Tadzjikisjtan opzèt is en gein verkiersóngelök. Zeve fitsende toeriste waerde aangereje, van waem veer ómkwame. In ierste insjtansie bewaerde de Tadzjiekse autoriteite det 't waal óm 'n óngelök ging. Diverse getuge höbbe aevel verklaord det alles wies op 'nen aansjlaag, en de Tadzjiekse pelissie haet intösje bevestig det ouch mit metser op de toeriste is ingesjtaoke gewaore. De veer doeje zeen 'nen Hollenjer, twie Amerikane en 'ne Sjwitser. D'n ómgekómmen Hollenjer is de 54-jäörige René Wokke oet Amsterdam. Ein van de gewónje is 'n Hollese vrouw van 58, die 't vrouwmès waas van Wokke.
Videobilde zeen opgedaoke van 't gebeure. De automobiliste reje nao d'n aansjlaag door, mer de pelissie kreeg hun later esnog te pakke. Twie van hun zouwe zeen gedoed gewaore door de pelissie, d'n derde zou zeen aangehawwe.
De terräörbewaeging d'n Islamitische Sjtaot haet de verantjwäördelikheid veur d'n dènkeliken aansjlaag intösje via hun presburo Amaq opge-eisj: "De aanvallers wore oos seldaote". IS zaet det 't geit óm 'n vergeljing veur d'n aorlog dae de internasjenaal coalitie taenge de bewaeging veurt in Irak en Syrië. IS-striejers waere spesjaal opgerope óm börgers te treffe die deil oetmake van de lenjer die in dees coalitie mitvechte. Euveriges is op dit momènt gei rechsjtreeks bewies det d'n aansjlaag daodwèrkelik 't werk is van IS. De regering van Tadzjikisjtan zaet intösje det 'n anger islamitische partie achter d'n aansjlaag zit, de Islamitische WeergebaortePartie die in 2015 formeel waerde verbaoje.
Brónne
bewirk- Tadzjikistan: verboden islamitische partij pleegde aanslag op fietsers. NOS Nieuws, 31 juli 2018
- IS: wij pleegden aanslag op fietsers in Tadzjikistan. NOS Nieuws, 30 juli 2018
- Tadzjiekse politie bevestigt gebruik mes bij aanval. NRC Handelsblad, 30 juli 2018
- Amsterdammer komt om bij aanrijding in Tadzjikistan. Het Parool, 30 juli 2018
- IS claimt verantwoordelijkheid aanslag fietsers Tadzjikistan. Het Parool, 30 juli 2018
- Amsterdammer komt om bij aanrijding in Tadzjikistan. Het Parool, 30 juli 2018
- Nederlandse fietstoerist (56) overleden na aanrijding in Tadzjikistan. RTL Nieuws, 29 juli 2018
- Nederlandse fietser omgekomen in Tadzjikistan. NRC Handelsblad, 29 juli 2018
Dit artikel besleit aad nuujs en maak deil oet van oos arsjief van nuujsberichte.