Ieëste Oekraïense vlöchtelinge kómmen aan in MECC Mestreech

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

MOFERT - 11 mieërt 2022 - Edónderdig zeen de ieëste vieftieën vlöchtelingen oet Oekraïne aangekómmen in Mestreech. Dao waere zie opgevangen inne evenementehalle van 't MECC. Dees opvangplaatse zeen ingerich veur tiejelike noeadopvang; hie zólle de vlöchtelinge neet blieve. Oetintjelik wiltj me die namelik gaon óngerbringen op plaatse wie fekansjeparke.

Wen de vlöchtelingen aankómmen in Mestreech waere die ieës medisch óngerzóch. Ouch kriege zie de meugelikheid aangebaoje zich te laote baksillere taengen 't wuhanvirus, óm de baksilleringsgraod ligk hieël lieëg in Oekraïne.

De vlöchtelinge kómme dökker aan mit kinjer of heimbieëster, meh det geit neet veur langen tied in 'n hal wie 't MECC. 't Floepdje de Mestreechter bórgemeisteres Annemarie Penn-te Strake óm taenge maondig doezjendj opvangplaatse vaerdig te kriege; dit aanbod is gooddeils gegróndj op hotels en fekansjeparke. De waek daorop mótte nans doezjendj plaatse daobie kómmen in Zuud-Limbörg. Wie 't noe tuintj, zóllen achter óngerhalf waek aevel al 2600 plaatse vriekómme veure vlöchtelinge; det is dus mieë wie me zeker nuuedig haet.

Brónne

Eerste oorlogsvluchtelingen aangekomen in MECC Maastricht. Ruben Weekers - 1Limburg, 10 mieërt 2022

Dit artikel besleit aad nuujs en maak deil oet van oos arsjief van nuujsberichte.