Iezere Rien bie Wieërt veilig zat veur geujertreins
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 8 fibberwarie 2018 - 't Tracé vannen Iezere Rien tösse Wieërt, Buul en Haëmet volduit aan alle veiligheidseisje veur geujerverveur. Extra maotregele zeen denouch ónnuuedig.
D66-staotssikkertares Stientje van Veldhoven antjwäördj det op vraoge van ziene partiegenaot en Twieëdje-Kamerlid Rob Jetten. Dae haw gepleitj veur fetsuundelike beveiliging ennen aanpak van ónbewaakdje spaorwaegeuvergeng nao saer korten tied trögk geujertreins varen euver 't baanvak.
Aldusse staotssikkertares is koem spraok van e grótter risico, ómdet 't aantaal aan geujertreins det euver 't tracé veurtj hieël lieëg is. Daoveur is de hujig situaasje verantjwäördj.
In 't antjwaord meldj Van Veldhoven ouch det zie dit jaor e besloet wiltj maken euver persoeansverveur tösse Wieërt, Buul en Haëmet. Daoveur wiltj 't próntj weite waat de köste zeen, inclusief die vanne maotregele die den waal nuuedig zeen ane euverwaeg langs 't trajèk. Ze geit daobie gebroekmake van gegaeves vanne pervinsje. Wiejer mótte ouch verveurders vorsje nao de haolbaarheid van dees verbinjing.
In 't regeerakkaord is in eder val aafgemaak det de spaorlien mót waere lektrificeerdj. Det is 'n veurwaerd veur persoeansverveur. Es de lien diffenitief kump zörg det veur 'n drekke verbinjing van Wieërt nao Antjwerpe.