Israël veurt lóchaanvallen oet in Oeas-Syrië

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

---

MOFERT - 16 jannewarie 2021 - 't Israëlisch laeger haet inne nach van deesdig op goonsdig e deil lóchaanvallen oetgeveurd op versjeie stej in 't oeaste van Syrië, worónger Deir ez-Zor enne grensstad Alboe Kamal. De aanvalle woren ónger anger gerich op waopelagers van striedklóchte die gestiep waere door Iraan.

't Lèste nuuts van 't Syrisch Observatorium veure Mienserechte zaet det vanne aanvalle zeker zevenenvieftig luuj doeadgebleve zeen. E deil van dees slachoffers behuuere toette milliesjes die gestiep waere door Iraan, worónger aanhengers van Hezbollah en èllef Afgaanse lee vanne Fatimiedbrigaad. Daobie zówwe nans zeker veertieën seldaote van 't Syrisch regeringslaeger ómgekómme zeen.

Israël haet de aafgeloupe jaor mieër es hóngerd van dees aanvallen oetgeveurd, veur te veurkómme det Iraan te väöl invlood in Syrië krieg. Edónderdig stórve drie luuj bie 'nen Israëlischen aanval in Damascus. d'n Amerikaanse minister van Boetelandjse Zakes, Mike Pompeo, zów emaondig de planne veure aanvalle bespraoken höbbe mitte Mossaad, d'n Israëlische geheimen deens.

Israël zelf haet nag gèn antjwaord gegaeven euvere aanvalle.

Brónne

• Dit artikel is gooddeils gegrundj op dan euvergezatj vanoeten taengenhenger oppe Nederlandjse Wikinuujs (versielink).
  • 'Tientallen doden bij Israëlische aanvallen in Syrië’. NOS Nieuws, 13 jannewarie 2021
  • ‘Zeker 40 doden bij Israëlische luchtaanvallen in Syrië’. De Standaard, 13 jannewarie 2021
  • Deadliest Israeli airstrikes on Syria in years kill 57, say observers. The Guardian, 13 jannewarie 2021

---

Dit artikel besleit aad nuujs en maak deil oet van oos arsjief van nuujsberichte.