Italië haet inmiddels mier coronadoeje es Sjina
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
Italië haet noe officieel mier gehiemelde es Sjina, woe de virusoetbraak begós. In Sjina zien op 't moment 3255 luuj euverleje door 't virus, dewiel det aantal in Italië op 4032 ligk. Det aantal in Italië greujt ederen daag hel. Dore väöl sjtörfgevalle kampe de crematoria inne Noord-Itteljaanse sjtad Bergamo mèt capaciteitsprobleme. Gehiemelde patiënte zien daoróm inne nach van goonsdig op dónderdig door de armee nao crematoria in aangrenzende pervincies verveurd.
De ierste Itteljaanse besjmetting mèt 't corona- of 't Wuhanvirus kwaam op 21 fibberwarie aan 't leech, dewiel de Sjinese autoriteit al saer eind december mèt 't virus te make hadde. Inmiddels is 't aantal nuuj besjmettinge en sjtörfgevalle in Sjina hel aafgenómme. 't Totaal aantal persoene bie waem 't virus is vasgesjteld gewaore, is nog ömmer hoeger in Sjina. Dao zien mier es 81.000 besjmettingsgevalle geconstateerd. 't Totaal aantal vasgesjtelde besjmettinge in Italië ligk zaoterdig op 47.000. Van dees groep ligke mier es 2500 oppe intensive care. De meiste patiënte bevinde zich inne noordelike regio Lombardieje.
Itteljaanse autoriteite en experts dinke aevel det 't echte aantal besmettinge in Italië hoeger is. Dit kump ónger anger doordet bao allein persoene die zich in krankehoezer melde weure getes op 't coronavirus. 't Aantal geneze patiënte begint noe in bei lenj ouch te sjtiege.
Brónne
bewirk- Confirmed Cases and Deaths by Country, Territory, or Conveyance. Worldometer, 21 miert 2020, 12:10 oer
- Italien meldet mehr Covid-19-Tote als China. Der Spiegel, 19 miert 2020
- Italië gaat China voorbij als land met meeste overleden coronapatiënten. Nu.nl, 19 miert 2020
Dit artikel besleit aad nuujs en maak deil oet van oos arsjief van nuujsberichte.