Jao-jaoplekkers mótte pepierverknoeajing taengegaon

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


(lagerfoto)

MOFERT - 2 oktoeaber 2019 - In Mestreech wiltj de lokaal fraksje van D66 det me de jao-jaoplekkers geit inveure veur oppe brevebös veur zoea pepierverknoeajing taenge te gaon. De partie haet det bekandjgemaak ane börgermeister enne wèthajers.

De jao-jaoplekker is 'n initiatief vanoete miljeuwerreld en drejtj in feite 't posstèlsel óm. Noe gaeve de luuj namelik nag aan det zie gein reklaamfolders dan hoes-aan-hoesblajer willen óntvange middels 'ne naeplekker. In Amsterdam is dees situaasje al anges dore jao-jaoplekker; de folders en blajer mogen allein inne brevebös waere gegoeadj wen dao 'ne jao-jaoplekker op zitj. De idee d'rachter is det me zoea pepierverknoeajing kan taengegaon.

't Gaaf allein nag 'n rechszaak; de veurige waek haet 't gerichshóf in Amsterdam oetgemaak det de gemèndje de jao-jaoplekkers moog behaje. Mitte goodkènning van 't gerichshóf mót me noe ouch in Mestreech dörve te volge, aldus D66. Hieveur wiltj m'n 'n vörsjing instèllen of dit praktisch haolbaar is. Utrech en D'n Haag gaon al vanaaf 1 jannewarie 2020 ouch de plekker inveure.

Brón bewirk



Dit artikel besleit aad nuujs en maak deil oet van oos arsjief van nuujsberichte.