Jos Brech opgepak in Spaanje

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 27 augustus 2018 - De viefenvieftigjäörige Jos Brech, dae wuuertj verdach van betróchheid biejen doead van Nicky Verstappen, is sóndigs smiddigs aangehaje gewaoren inne buurt van Barcelona.

Hae zitj vas in 'n Spaanse cel en wuuertj op korten termien euvergeleverdj aan Nederlandj.

De pliesse kome de verdachdjen oet Zumpelveldj op 't spaor nao 'nen tip van 'ne getuug. Deze getuug gaaf aan det hae de manskaerel herkanj aanhandj de foto's die d'n aafgeloupe goonsdig op 'n preskónferensje zeen getuuendj gewaoren enne mediaberichte vanne aafgeloupe daag.

Door gooj en snel samewirking mitte Spaanse pliesse kós de manskaerel sóndigs smiddigs waeren aangehaje.

De femielje van Nicky Verstappen en Peter R. de Vries zeen sóndigs saoves dore pliessen ingeleech gewaoren euvere aanhajing van Jos Brech. "De femielje is enorm opgelóch", meldj Peter R. de Vries names de femielje.

d'n Èllefjäörige Nicky Verstappen oete Heibloom verzwónj in 1998 tiejes e zomerkamp in Broenssem. Einen daag nao zien vermissing woort zie laevesloeas lief gevónjen oppe Broenssemerhei.

Brónne bewirk



Dit artikel besleit aad nuujs en maak deil oet van oos arsjief van nuujsberichte.