Kómtj mitdoon, loestere en kieke nao 't Mofers Dictee 2011/Veldeke
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
zóndig, september 25, 2011
Trök nao de veurpagina
spelling: Hoeaglèmbörgsj - Durchzettingssp. - Internasjonalspelling
Zónjig 23 oktoeaber zal veur de veerde kieër 't Mofers Dictee gehaje waere. Dit jaor is 't thema van 't Mofers Dictee "Tieën raejes óm plat te kalle". Doe kóns aan 't dictee mitdoon of kóm gewuuen óm dit alles mit te make.
't Mofers Dictee besteit oet 'n paar óngerdeile. 't Begintj mit 't dictee zelf. Det wuuertj zin veur zin veurgelaeze en daonao in stökker nans herhaald. Doe kries tied genóg óm de zin op te sjrieve. De bedoeling is, det alles gesjreve wuuertj inne Spelling 2003 veur de Limburgse Dialecte. Deze vinjs se ónger angere oppe internetsite www.limburgsedialecten.nl. Dao vinjs se ouch de spelling van 't Mofers in 't kort. Nao aafloup wuuertj door 'ne deskundige jury alles naogekeke.
Veur de res is d'r nag 'n óngerdeil Mofertkunde. Bie dit óngerdeil wuuertj diene kènnes euver Mofert getoets mit mieëkeuzevraoge. De twieë óngerdeile waere apaart gejureerd; doe maaks veur allebei de óngerdeile kans op 'ne pries.
't Mofers Dictee wuuetj gehaje inne zaal bie de de Vogel ane Bek (Mert 21). D'n aanvang is 14.00 oere. De zaal is óm 13.00 oere aop.
Insjrieve kos nieks. Doe hoofs allein mer 't opgaafformeleer in te völle en opsjikke nao, of inne brevebös duje op 't adres Staasjeswaeg 79, 6065 EH in Mofert. Aanmelje kan ouch via e-mail. Sjik via deze link 'nen e-mail mit alle gegaeves waat ouch op 't bönke staon.
Doe kóns 't opgaafformeleer hie downloade. Höbs se geine printer: vanaaf waek 38 steit 't formeleer ouch in 't Kirkeblaedje.
Dit artikel besleit aad nuujs en maak deil oet van oos arsjief van nuujsberichte.
Brónne
bewirk- "Kómtj mitdoon, loestere en kieke nao `t Mofers Dictee 2011" — Mofert.nl, Zónjig 25 september 2011