Karredraol Christchurch wuuertj gesloeap
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
De 131-jaor aaj karredraol van Christchurch in Nuuj-Zieëlandj mót waere gesloeap. 't Geboew is dórche recènj aerdbeivinge zoea zwaor besjajig gewaore det 't volges de bisjóp te duur is óm de kirk te resterere. Resteraasje zów zoea 60 miljoen euro gaon kómme. De karredraol waar ein vanne toepattraksjes van Nuuj-Zieëlandj. Volgese bisjóp zal de kirk mit 't gróts muuegelik respek waeren óntmanteldj. d'r Zölle beveurbeildj gein bulldozers gebroek waere. De moere waeren aafgebraoke toet 'n huuegdje van twieë toet drie maeter. Daonao waere de waerdevól spöller oete karredraol gehaoldj, wie graafmonumèntjer en glaas-in-loeadrame. Vanwaengen 't instórtingsgevieër is 't neet muuegelik óm nao binne te gaon.
De börgermeister van Christchurch neumdje de sloeap vanne karredraol "hertversjäörendj". "'t Waar veur ós allemaol lestig óm die beslissing te acceptere." 't Is de bedoeling det t'r oppe plaats 'n nuuj karredraol geboewdj wuuertj, meh d'r is ouch verzatj taenge de sloeap. 'n Groep actieveurders wil det 's ieës óngerzeuk wuuertj gedaon dórch internationaal deskóndigen of de origineel structuur vanne karredraol neet intak gehaje kin waere. Nao de aerdbeiving op 't zujelik eilandj van Nuuj-Zieëlandj góng 't geruch det 's 22 luuj ónger 't puun zówwe ligke vanne karredraol, meh det bleek neet zoea te zeen. Bieje beiving mit 'n krach van 6,1 oppe sjaol van Richter op 22 fibberwarie 2-11 kome 185 luuj óm 't laeve en woorte hóngerdje geboewer verwós.
Dit artikel besleit aad nuujs en maak deil oet van oos arsjief van nuujsberichte.