Konvoeaj mienwirkers aangevallen in Boerkina Faso

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 8 november 2019 - Inne pervinsje Oeas, in 't naordoeaste van Boerkina Faso, is sgoonsdigs 'ne konvoeaj van vief bösse mit mienwirkers aangevalle. De mienwirkers woren in deens bie 't Kanadees bedrief Semafo; d'n aanval woort geplieëg door terroriste. Biejen aanval zeen zeker zevenendertig mienwirkers ómgebrach en zèstig verlets wore. Eine vanne vief bösse voor op 'n bermbóm, waorop gewäöpendje menner 't vuur äöpendje. In 't betróffe gebied guuef 't gei tillefoeanbereik. De konvoeaj woort begelèdj door 'n milletaer eskort, mer ouch dees woort mit inne val getróch.

't Is d'n duuejeliksten aanslaag in Boerkina Faso in e paar jaor tied. 't Naorde van 't landj haet mit naam de litste jaor väöl las van gewaldj van zjihadistische groeppe. Ane begin vanne veurige maondj vele bie 'nen aanslaag op 'n góldmien in Soem zoea twintjig doeaje. In jannewarie 2016 vele bie 'n gijzeling in 'n hotel inne houfstad Oeagadoegoe ons dertig doeaje. 't Is vernoe nag óndudelik wae próntj achtere nujen aanslaag zitj.

Brónne bewirk



Dit artikel besleit aad nuujs en maak deil oet van oos arsjief van nuujsberichte.