Krankenhoezer wille voes make taenge toebaksindustrie
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 2 fibberwarie 2018 - 'n Aantaal aan Limbörgse krankenhoezer geit ernstig betrachen of ouch zie aangifte gaon doon taenge toebaksmaekers.
Daomit reagere ze op 't besloete van 't Antoni van Leeuwenhoekkrankenhoes in Amsterdam. Det is 't ieëste krankenhoes det zich aansluutj bie 'n aanklach van mieëder partieje taenge perducènte van toebakswaar.
't Gerinnemeerdj krankenhoes in Amsterdam, det zich gans specialiseertj in kenkerbehanjelinge, geit de aangifte óngerstäöne, ómdet toebaksmaekers roukers volges häör willig en weites verslaaf zówwe make.
'ne Waordveurder van 't VieCuri Medisch Centrum in Vinlo dink det de aksje van 't Antoni van Leeuwenhoekkrankenhoes mit zien hoeag rippetaasj väöl kan gaon doon verangere. VieCuri geit de kómmendjen tied betrach waat anger krankenhoezer gaon doon.
'ne Waordveurder van 't Sint Jans Gashoes in Wieërt guuef aan det de aangifte taenge de toebaksindustrie van 't Antoni van Leeuwenhoekkrankenhoes stof bèdj toet naogedechdje. 't Akkedemisch Krankenhoes UMC+ in Mestreech besluutj binnekort same mitte anger akkedemische krankenhoezer of 't zich aansluutj bieje aangifte.
Zuyderland in Gelaen en Haerle zal zich neet aansloete bie 'n aangifte taenge de toebaksindustrie. "Ich bön 't einverstenj mit 't aanklage vanne toebaksindustrie, meh toch sloete v'r neet daobie aan. Laot ós ieës mens de patiëntestruime hieël good regele. V'r höbbe daoaan op dit memènt oos henj vol-e", aldussen toepman David Jongen.
't Is euveriges nanneet dudelik of 't Aopenbaar Ministerie toet vervölging vanne toebaksmaekers euver zal gaon.
Dit artikel besleit aad nuujs en maak deil oet van oos arsjief van nuujsberichte.