Kuikel autobenj in netuurgebied tösse de Melderse en Lottem neet opgeruump
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 28 augustus 2021 - Sieër edónderdig ligk 'ne kuikel mit mieër es hóngerd gedumpdje autobenj in 't netuurgebied 't Sjötwater tösse de Melderse en Lottem. De benj woorte zaoterdigtemorge gezeen door 'ne veurbiegenger dae 'n meljing maakdje bie de gemèndje. Die gemake kreeg t'r te huuere det die benj dao al zeker sieër edónderdig ligke. 't Hanjeltj zich euver auto- en vrachwagebenj; e deil nag mitte velg d'raan.
De benj zeen noe nanneet opgeruump geworen ómdet 't óndudelik blief waem det veur zien raekening mót numme. Dae bie waem de benj achtergelaote zeen is verantjwuuerdelik veur 't eweghaole vanne kraom. Op dit moment is neet dudelik of de benj op gemèndjegróndj ligken of op 't landj vanne stifting Netuurmonumente. Pas wen dao dudelikheid euver kump, kónne die eweg waere gehaoldj.
Brónne bewirk
Dit artikel besleit aad nuujs en maak deil oet van oos arsjief van nuujsberichte.