Laevendjbaerendje aektesen oetzunjerlik vreug gebaore
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
.jpg)
MOFERT - 20 junie 2020 - Ezónjig zeen de ieëste jóng laevendjbaerendje aektesen gevónjen in 'n melgerkoel in Zuud-Limbörg. Det zie midde-junie gebaore zeen is oetzunjerlik vreug.
Gewuuenlik kómme de jónge pas half julie. 't Vurrig rekaor steit nag op begin julie, noe is det dus nans twieë waeke vervreug. Dinkelik hèltj dit verbandj mit 't werm en zónnig veurjaor, wodoor de aektesen ieëre gaon paren es gewuuen.
De waersómstenjigheje zeen gunstig veure eier. De laevendjbaerendje aektes hèltj de eier in zie lief, wo die zich snelder höbbe kónnen óntwikkele. 't Bieësjke ligk zoea gèn eier, meh breudj die oet in 't lief, wodoor de jónge laevendj, wie e kaaf, gebaore waere.
De laevendjbaerendje aektes is neet allein de aektessaort die 't meiste veurkump in Nederlandj, meh veurt ouch alle reptiellen aan. 't Bieësjke is aevel bedreig; 't aantal laevendjbaerendje aektese is in 25 jaor tied halveerd.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.