Limbörgers vare de minste kilomaeters mitte wage
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 15 november 2019 - Van alle Nederlenjers make de Limbörgers de minste kilomaeters mitte wage. Veer vare meh 10.900 kilomaeter gemiddeldj de jaor, dewiel det lenjelik o 11.8000 steit. In Flevolandj make zie wiedoet de meiste kilomaeters: dao waas det 14.000, mer ich in anger pervinsjes in 't uterste naorde, wie Greuninge, Frieslandj en Drenthe veurt me mieër es 12.000 kilomaeter.
Gans biejein lagte de Nederlenjers zoea 150,6 miljaar kilomaeter aaf. 't Betröf hie persoeanewages, bestèlwages, zwaor vrachveurtuug en busse. In vergelieking mit 't jaor daoveur waas det 'n stieging van 1,4 percent; mit dertig jaor daoveur zelfs ruum 47 percent. De meiste kilomaeters hievan kómme t'r verantjwuuerdig vanne persoeanewages: 121,4 miljaar kilomaeter; 1,2 percent mieër es 't jaor daoveur. 't Aantaal aan wages zelf is toegenómme mit 2,2 percent, waat wil zègke det gemiddeldj minder kilomaeter de wagen is aafgelag gewore.
Van 't volstenjig aantaal aan kilomaeters waas 70 percent op benzien; 'n stieging vanoet 64 percent in 1990. De aafgeloupe vief jaor is 't aantaal aan kilomaeters op diezel aafgenómme mit 5 percent. Slechs 'n haaf percent is lektrisch aafgelag gewore.
De kilomaeters van 't waegverkieër zeen verantjwuuerdelik veur 17 percent vanne kaolstofdioxiedoetstoeat in Nederlandj. De gansen oetstoeat waas toegenómme mit 2 percent; in vergelieking mit 1990 is d'n oetstoeat toegenómme mit ruum 28 percent.
Brónne bewirk
Dit artikel besleit aad nuujs en maak deil oet van oos arsjief van nuujsberichte.