Limbörgse gemèndjes hange raengebaogvaan oet es protès op Nashvilleverklaoring
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 8 jannewarie 2019 - Versjillige Limbörgse gemèndjes höbbe stinsdigs de raengebaogvaan oetgehange. De vaan fjödj inne windj bie ónger angere de raodhoezer van Zitterd-Gelaen, Maersje, Bezel, Haerle, Vinlo en Remunj. De gemèndjes höbbe de zèskluuerige vaan oetgehangen es 'n reaksje oppe Nashvilleverklaoring van Amerika. Dees verklaoring guldj es homofoob; ónger angere homoseksueel relaasjes en 't zich ómboewe (transgender) wuuertj es zunjig bestempeldj.
De verklaoring is al in 2017 opgestaldj wore, meh vindj noe ouch doorgank in protestantse kring in Nederlandj. Zoea haet de fraksjeveurzitter vanne SGP, Kees van der Staaij, en mit 'm 250 anger protestante de handjteikening gezatj ónger 't manifès. Hieveur geit 't COC Limbörg aangifte doon.
De Protestantse Gemèndje Maasheuvellandj haet naodrökkelik aafstandj genómme vanne verklaoring, worin wuuertj ómsjreve det 't hoewelik allein is gemèndj veur manskaerel en vrouwmis. Zie vinje juus det de kaer van 't evangeelje de leefdje van Jezus veure miens is. Zie haje je de deur aop veur edereine, ouch veur homoseksuelen en transgenders. Waal plaats me de kantjteikening det de protestante die dit manifès höbben óngersjreve die meining al veur jaore lang haje.
Brónne
bewirk- Gemeenten hijsen regenboogvlag tegen Nashville-verklaring. Job Tiems - 1limburg, 8 jannewarie 2019
- Limburgse protestanten keuren antihomo-statement af. Bas Dingemanse - 1limburg, 7 jannewarie 2019
Dit artikel besleit aad nuujs en maak deil oet van oos arsjief van nuujsberichte.