Limbörgse militair t'n onrech verdach van verkrachting
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 12 september 2018 - De militair Rico Goldbach oet Kirkraoj is aldus 't Aopenbaar Ministerie ónterech verdach wore van ernstig wangedraag en van verkrachting van 'ne kóllega oppe Oranjekezèrn in Sjaarsberge.
Dem zienen advekaot Michael Ruperti bestaetig in 't AD det de zaak taenge Goldbach is seponeerdj wore. Al de aanklachte taenge dem zeen ónterech bevónje.
Drie militaire vanne morteergroep vanne Lóchmobiel Brigaad in Sjaarsberge verklaordjen in november van 't veurig jaor gepes, mishanjeldj, aangerandj en verkrach te zeen gwaore tiejes de óntgreuning.
Die ónthöllinge lèdje toet väöl ophaevel binnen en boete de kriegsmach. 't Aopenbaar Ministerie begós e straofrechtelik óngerzeuk.
Goldbach haet ummer óntkandj daen manskaerel get te höbben aangedaon. Veur twieë waeke trögk vertalj d'r in 't AD det waal woort gekloeatj bieje Lóchmobiel Brigaad, meh det 't allemaol neet zoea ernstig woor zoewie 't dore aad-kóllégé woort gezag.
"'t Behieërsj mie laeve. Ich höb noe dit stempel en zolang die valsje besjöljiging dao is wuuertj zoea nao mich gekeke", aldus Goldbach inne gezèt.
Goldbach haet noe dus zie geliek gekrege van 't Aopenbaar Ministerie. d'n Advekaot Michael Ruperti wach nag oppe offesjeel bestaetiging van vief anger cliëmte die d'r inne zelvendje zaak biesteit.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.