Linkse partieë winne verkezinge Denemarke
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Heële - De sociaaldemocrate hant de parlementsverkezinge in Denemarke gewónne. D'r Deense premier Lars Lokke Rasmussen hat 't verlees va zieng liberaal partei erkind.
Doadurch is d'r weëg noa 't premiersjap vrei vuur de sociaaldemocraat Mette Frederiksen. Zie is 41 en zouw de jóngste Deense premier oeëts kinne weëde.
De sociaaldemocrate en veer anger linkse partieë lieke same 91 van de 179 zieëtele in 't parlement te hant en dat is de mieërderheed. Dat heesj óch dat Denemarke meugelig 'n linkse regering kriet.
Zie wiste vöal kezesj vuur zich te winne mit plane vuur e sjtrenger asielbeleid. Zoeë pleitde de partei in de campagne vuur e joarligs maximumaantal migrante. Óch wil zie 'n ópvangcentrum boete Europa ópzette en sjtrenger regele vuur migrante die al in Denemarke zint.
De partei sjteunde óch 'n aantal migratiewette die 't vurrige kabinet hat igeveurd, zeët correspondent Rolien Créton. "In 'n aantal veëdele oeë vöal migrantie zint, kin criminaliteet doebel weëde gesjtroaf. En kinger vanaaf 1 joar aod mótte verplich noa sjoeël um 't Deens te liere."
Óch sjteunde de sociaaldemocrate plane um de boerka te verbeie en woeëd vuur e plan gesjtumd um duur sjpulle aaf te pakke bei binnekóms. "Denemarke hat noe waal 't sjtrengste beleid in Europa", zeët Créton. Alle moatregele woare volges 't kabinet nuëdig um d'r welvaartssjtaat i sjtank te haote.
De rechs-populistische Deense Volkspartei lei bei de verkezinge e zjwoar verlees. 't Liekent d'rop dat ze is gehaoveerd ten ópzichte van de vurrige verkezinge in 2015. Volges Créton hat ónger mieë 't anti-Europees sentiment, oeë-óp de partei isjpilde, neet gewirk. "De partei houw noa d'r brexit vuurgesjteld um de EU te verloate, mar dat plan hant zie sjnel loate valle, weil de Dene gesjrokke zint van d'r brexit. Noe liek 't lank mieë pro-EU wie oeëts te zing."
Brónne
bewirk
Dit artikel besleit aad nuujs en maak deil oet van oos arsjief van nuujsberichte.