Luuj oete Parkstad sjeien 't dökste

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 11 september 2020 - Verhajingsgewies wone de meiste luuj die gesjèdj zeen in Haerle. Die stad veurt de lies zowaal lenjelik es provinsjaal aan. Ómme gans is 13,7 perzent vanne Haerlenieëre van 15 jaor of ajer oeten trouw gekómme.

Ouch in anger gemèndje inne Parkstad ligk 't aandiel luuj die allein achterblieve nao 'n sjeijing betrèkkelik hoeag. In Kirkraoj is det 12,7 perzent; in Broensem 12,4 perzent en in Landjgraaf 11,4 perzent. De insigste anger Limbörgse gemèndje die binne dees marge vèltj is Remunj mit 11,9 perzent.

De gemèndje mitte minste gesjèdje luuj in Limbörg is Pieël en Maas, wo det perzentaasj de hèlf is van 't siefer in Haerle: 6,7 perzent. Lenjelik gezeen wuuert de lies óngeraan aangeveurd door 't kónzervatief-kristelik Urk, wo meh zón 2,5 perzent vanne volwasse luuj gesjèdj is. Det is e groeat kóntras mitte res vanne pervinsje Flevolandj, went die pervinsje veurt de lenjelike lies aan. Limbörg haet de twiefelechtige ieër oppe twieëdje plaats te staon.

't Aandeil van luuj waat gesjèdj is zit in 'ne stiegendjen trend. Deze haet zich de lèste jaoren ingezatj; zowaal in Limbörg es lenjelik.

Brónne bewirk



Dit artikel besleit aad nuujs en maak deil oet van oos arsjief van nuujsberichte.