Manskaerel (50) vanne Gael Hesjes doeadgevare bie Waezent
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
.jpg)
MOFERT - 12 jannewarie 2019 - Sfriedigs innen aovendj is 'nen aktivis vanne zoea-geneumdje "Gael Hesjes" kort euvere grens bie Eisdje doeadgevare gewore. 't Betruf 'ne Belzje manskaerel van fieftig jaor aad. 't Óngelök beurdje róndj 19:00 oere bie Waezent (Visé), wie de manskaerel dae de E25 mit zien klóch blokkeerdje woort aangevare door 'ne vrachwage mit e Nederlandjs kènteike. Nao de aanvaring is de vrachwage doorgevare; de sjefäör is nanneet terech. 't Sjientj det de miens waas gestrukeldj. Bieje blokkaasj wore gein Nederlandjse aksjeveurders dao. De snelwaeg inne richting van Nederlandj woort nao 't óngelök veur 'nen tied lang aafgeslaote; róndj 23:30 oere woort de waeg vriegegaeve.
Aldusse Belzje media hawwe de pliesse de vrachwagesjefäör nao de aanvaring gevraog ziene vrachwagen efkes wiejerop op 'n parkingsplaats neer te zètte, mer hae voor gewuuen door.
De aksjeveurders vanne Gael Hesjes veuren aksje in gael veiligheidsvesters veur leger priezen en taenge de zittendje regeringe. De E25 is de aafgeloupe waeken al dökker blokkeerdj gewore. In Limbörg waas de bewaeging in Limbörg al ieëren aktief mit dimmenstraasjes in Mestreech.
De luuj vanne Gael Hesjes dragen huuj d'n daag rouwbendjes.
Brónne
bewirk- Aangereden hesje is Belg (50), vrachtwagen nog spoorloos. Arthur Hubers - 1limburg, 12 jannewarie 2019
- Demonstrant Gele Hesjes overleden bij ongeluk op E25. Deborah Parren - 1limburg, 11 jannewarie 2019
- 'Gele Hesjes-activist struikelde vlak voor vrachtwagen'. Arthur Hubers - 1limburg, 12 jannewarie 2019
- Nederlandse politie zoekt doorrijder Geel Hesje. 1limburg, 12 jannewarie 2019
Dit artikel besleit aad nuujs en maak deil oet van oos arsjief van nuujsberichte.