Maondjelang gein treins in aovendjoeren op Maaslien
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 10 april 2018 - De kómmendje maondj vare twieë kieër de waek saoves gein treins oppe Maaslien tösse Vinlo en Nimwaege.
ProRail geit op 't trajèk de beveiliging verbaetere. Zoea wuuertj al de apperatuur dae wuuertj gebroek veur 't bedene van seins, wusjelen en euverwaeg vervange.
't Hujig stèlsel is al tieëntaal aan jaor aad. Op sómmige plaatsen is de apperatuur, mer ouch de bekaebeling, toe aan vervanging. Daobie wuuertj aldus ProRail drek 'n nuuj techniek toegepas. 't Nuuj stèlsel wirk nimmieë via kopere leijinge, meh via glaasvezel. Daodoor wuuertj de zaak centralerwies aangestuurdj. Aldus ProRail is bie stuueringe daodoor snelder te zeen waat ane handj is.
E deil van 't werk kan waeren oetgeveurdj dewiel de treins gewuuen vare, mer anger wirkzaamheje kónnen allein waere gedaon es 't treinverkieër plat ligk. Daoveur vare de kómmendje maondj op goonsdig- en dónderdigaovendj nao 21:00 oere gein treins tösse Vinlo en Nimwaege. Busse waeren ingezatj dore verveurder Arriva.
De wirkzaamheje doere toet en mit september.
Dit artikel besleit aad nuujs en maak deil oet van oos arsjief van nuujsberichte.