Mestreechter Universiteit guuef tieëndoezjendje euro's aan boetelandjse studènte
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 30 april 2020 - 't Noeadvónjs vanne Mestreechter Universiteit haet toet noe zoea 35.000 euro oetbetaaldj aan boetelandjse studènte. Dees zeen dore coronacrisis inne geldjperbleme gekómme. Óm ganse hawwe zie tachtetig aanvraogen ingesjik sieër 't vónjs inne begin van april opgezatj gewore waas. Van dees zeen achenvieftig aanvraogen aangenómme.
Väöl studènten höbbe noe gei werk en duus gein inkómme dore corona. Veur die oet 't boetelandj te helpen haet de universiteit 't noeadvónjs opgerich. 't Geldj haet me biejein verzameldj door 'n crowdfunding (publieksfinancering). Die aanvraoge waeren ieës goodgekindj door 't StudènteServiesCentrum 'ne speciale raodcommissie. Es die goodgekindj is krieg de studènt 'n rintjeloeas lieëning van te grótste 1.500 euro.
Wen emes zich oppernuuj insjrief bieje universiteit in Mestreech of e diploom behaoltj dao wuuert dees lieëning ómgezatj in 'n gaaf.
De inheimse studènte kónne zich neet trögkropen op 't vónjs, went veur häör zeen anger regelingen opgezatj. Dees kónne namelik extra geldj lieëne via DUO, meh dit geldj wuuert neet ómgezatj in 'n gaaf.
Brónne bewirk
Dit artikel besleit aad nuujs en maak deil oet van oos arsjief van nuujsberichte.