Mieë luuj höbbe gestump bie Limbörgse parlemèntsverkeziginge
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
.svg)
MOFERT - 21 mieërt 2019 - Bieje Provinsjaal Staoteverkeziginge van gister zeen väöl mieë luuj nao de stumbös getróch es de veurige kieër. In 2015 waas de opkóms 45%; dit jaor waas det 53%. Hiemit ligk Limbörg meis 3% ónger 't lenjelik gemiddeldje.
In 't parlemènt zelf haet 'n groeate versjuving plaatsgadj. De nuujkómmer Forum veur Democratie wuuertj mit 7 zetels gedeildj twieëdje mitte lichtelik gekrómpe PVV. 't CDA blief mit 9 zetels de grótste. Oppe veerdje plaats kump mit 5 zetels de stabiele VVD. Opmirkelik is de halvering vanne SP. Lokaal-Limbörg greutj eine zetel nao 2 gans biejein. Opmirkelik is de greuj vanne Forum veur Democratie zeker, went in häör pergram höbbe zie gezwegen euver provinsjaal óngerwerpe.
't Zal hieël lestig waere mit dezen oetslaag te kómme toet 'n wirkbaar ko-alliesje. De hujige ko-alliesje van VVD, CDA, D66 en PvdA verluus zien mieëderheid. Boetedet höbbe partieje wie D66, GroenLinks en PvdA zich oetgespraoke taengen 'n ivventueel samewirking mitte grótter partieje Forum veur Democratie enne PVV.
Brónne
bewirk- 'Kijken of het onmogelijke te verenigen is in Limburg'. Sandra Horrichs - 1limburg.nl, 21 mieërt 2019
- Nieuwkomer FvD maakt klapper in Statenverkiezingen. Arthur Hubers - 1limburg.nl, 21 mieërt 2019
- Opkomst Provinciale Statenverkiezingen fors hoger. Sam Verbeek - 1limburg.nl, 21 mieërt 2019
Dit artikel besleit aad nuujs en maak deil oet van oos arsjief van nuujsberichte.