Miljeuplenning wuuert neet gehaoldj bie de industrie
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 16 fibberwarie 2021 - 'n Stroumnèt van Nederlandj geit neet voldoon aan 't klimaatakkaord wen dao neet flot in investeerd wuuert. Dit geldj ouch veur 't industriegebied Chemelot (DSM) in Zitterd-Gelaen, wo e deil procedures nanneet zat verzwaordj zeen taenge 2030. Det zal waal gedaon mótte waere wil me miljeuzuverder gaon perducere.
Dees bevinjinge staon in e verslaag van 't vörsjingsbro CE Delft. Die höbben oetgeraekendj wieväöl tied nuuedig is veur e deil noeadzakelik procedures en investeringe van 't stroumnèt. Dit vörmp namelik e wichtig óngerdeil veur 't klimaotakkaord te haole. Zoea mótte industrieel bedriever lektrikbuilers en wermdjepómpe broeke veur wurmdje oet aerdgaas. Boete dees investeringe vanne bedriever mót ouch de lenjelike nètbehieërder Tennet ane slaag; dae mót ekstra hoeagspanningsdräöj gaon trèkke. Veur bie Chemelot is dao zeker tieën toet vieftieën jaor veur nuuedig.
't Perbleem ligk mit naam daobie det d'n eine pas get kan wen d'r angere get kan, meh dae kan nieks toetdet d'n eine get duit. Feitelik mót besloete vallen enne kogel dore kirk. De industrie kan gèn besloet maken euver te gaon op lektrische alternatieve, went 't krachvermeugen is neet dao; dewiel de nètbehieërder neet kan investere sónger officieel verzeuk vanne bedriever.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.