Miljoenste coronabesjmetting van Nederlandj vasgesjteld
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
De miljoenste positieve coronates van Nederlandj is zaoterdig officieel gewaore. 't RIVM registreerde doe 4130 nuuj besjmettinge. Daomit is 't totaal aantal bevestigde gevalle, bekans e jaor naodet 't virus in Nederlandj is opgedoke, gesjtege tot 1.001.894.
Dinkelik zeen väöl mie luuj besjmet geraak mit 't virus. Neet edereine dae klachte haet luuet zich teste en sommige luuj drage 't virus bie zich zónger überhaupt klachte te kriege. Aan 't begin vanne pandemie waor de tescapaciteit boetedet lieg. 'nen Tes doon waor dök gein optie.
Nederlandj is 't 21e landj oppe welt mit mie es ein miljoen positief tests. De sjtaej mit de meiste inwoeners tèlle ouch de meiste besjmettinge: Amsterdam sjteit baovenaan, gevolg door Rotterdam, Den Haag en Utrech. Ouch in Tilburg, Almere, Indjhove en Breda is 't coronavirus in totaal bie mie es 10.000 luuj vasgesjteld gewaore.
De ierste coronabesjmetting in Nederlandj woort op 27 fibberwarie veurig jaor vasgesjteld bie 'ne manskaerel oet 't Braobentse Loon op Zand. Op 23 september woort 't 100.000ste geval geregistreerd. Get mie es twie maonde later, op 26 november, goof 't al mie es e haaf miljoen.
Inne loup van 2020 woort de tescapaciteit oetgebreid en góng ouch d'n dörpel veur 'nen tes te doon ómlieg. Zoe mage luuj zich nao 1 december ouch zónger klachte laote teste nao contak mit emes dae besjmet bliek.
't Aantal nuuj besjmettinge woe tösse vriedig- en zaoterdigaovend melding van woort gedaon, ligk baoven 't weekgemiddelde. In totaal zeen de aafgeloupe zeve daag 27.249 positief tests geregistreerd gewaore. Det zeen ederen daag gemiddeld 3893. Naevebie haet 't RIVM 61 aan corona gerelateerde sjtörfgevalle geregisteerd.
Wiewaal 't aantal besjmettinge al weke aafnump, zeen deskóndige binne en boete 't RIVM hiel bezörg. 't Instituut lag al ierder oet det mit de sjnel opkoms vanne nuuj Britse variant 't eigelik twie epidemieë gief. Door alle maotregele nump allein 't aantal besjmettinge aaf mit de 'klassieke' variant. De Britse mutatie is aevel väöl besjmetteliker. Volges beraekeninge van 't RIVM is dees variant inmiddels good veur zo'n twie derde van alle besjmettinge.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.