Moderdas verstuuetj jónge nao verplaatsing
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 22 fibberwarie 2021 - De weggegange moderdas in Remunj haet zien jónge verstoeate naodet zie verplaats wore zeen. Ezaoterdig woort de moder mitte klein deskes gevangen in häör börch, die mós wieke veure boew van weuninge. De jónge zeen aevel aangeraak door miensehenj wodoor det zie de reuk van luuj op zich höbben en de moderdas die verstoeaten haet.
In ieëste instansje mèndje de pervinsje, die verantjwuuerdelik is euver 't wildjbehieër, det allein e dassestèl laefdje inne börch bie Remunj, meh naodet ezaoterdig de moderdas eweggevange waas bleek bie 't oetgrave vanne börch det dao onnag jónge bie wore.
De bieëster hèltj me veur noe bie a bieësteropvangecentrum in Glabbek. Me wól die ieës oetzitte bie Vloearep, meh noe mót oetgezóch waeren of dao gèn anger dassen inne buurt zitte. Wen 't zoea is det 's dao gèn zitte, dan kan me de dasse dao oetzitte. Móch 't zoea zeen det waal dasse dao zeen, dan wètj de pervinsje nanneet waat zie mitte bieëster gaon doon.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.