Moferter vas nao sjeetpartie en achtervolging
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 28 fibberwarie 2019 - 'ne Viefentwintjigjäörige manskaerel oet Mofert is aangehaje woren in Helmóndj. Dao haet hae róndj 4:00 oere oppen dónderdigmörgen 'nen Helmónjenieër verlets ane bein doe d'r dore veurdeur haw gesjaoten en 'm raakdje.
Naodet 't sjete waas gewaes vónje de pliessen 'ne wage mit twieë men d'rin. Achter 't stuur zaat de Moferter dae e stopteike negeerdje; dit rizzelteerdje in 'n achtervolging. De pliesse perbeerdjen 'm stil te zètte door 'm mitte pliessewagen aan te tikke, meh det baadje neet. Ónger 't vare spróng de bieriejer, 'nen twieëndertigjäörige manskaerel oet Helmóndj, oete wage, wodoor d'r hieël erg verlets woort en mitten traumahelikopter nao 't krankenhoes mós waere gebrach.
Nao de achtervolging vónje de pliesse de wage trögk in 'ne veurhaof, sónger d'n euvergebleven inzittendje. Mit hónj zochte ze de ómgaeving aaf, meh det brach onnieks. Oetèntelik kóste de pliesse de bestuurder oet Mofert aanhaje. Dinkelik is dae ouch de sjötter.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.