Muuegelik alcohol bie aanvaring op de Maos
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
dinsdig, oktober 4, 2011
MOFERT - Bie de aanvaring maondigaovendj op de Maos in Kuuk waas muuegelik alcohol in 't speel. De sjeper van de tanker had neet gedrónke, zoea is oet 'ne blaostes gebleke. De polies sluut echter neet oet det de inzittendje van de speedboeat waal drank hadde genóttig. Det haet 'ne waordjveurder dingsdigmörge op Ómroop Braobantj gezag. De hólpdeenste zeen dingsdigmörge weer op vól stèrkdje aan de slaag gegange óm de lichame van drie vermisdje men oet Gennep en Offere te vinje. De kans is vrieweal nihil det ze nag in laeve zeen. Drek wienieë de sonarboeat van de brandjwaer e signaal oppik det op e lichaam zów kinne wieze, gaon dukers 't water in. Volges 'ne verslaaggaever van RTL Nuujs is d'r inmiddels waersjienlik e twieëdje lichaam gevónje in de Maos.
't Óngelök gebäördje tösse 't Braobantjse Kuuk en 't Limburgse Middelieër. In Middelieër aan 'ne doeaje erm van de Maos is 'ne jachhave veur plezieërbuuet. Volges getuge zów de speedboeat mit hoeag snelheid euver de smaal reveer höbbe gevaren, det nao zónsóngergank verbaoje is om te doon. 't Buuetje koom frontaal in boetsing mit de mit cementj gelaje tanker. 't Vaer is toet naoder orde oet vaartj genómme en 't sjeepvaartjverkieër euver de Maos is geströmp.
Brónne
bewirk- "Mogelijk alcohol bij aanvaring op de Maas" — nu.nl, 4 oktoeaber 2011
Dit artikel besleit aad nuujs en maak deil oet van oos arsjief van nuujsberichte.