Naord-Macedonië officieel dertigste lid vanne NAVO
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
Naord-Macedonië kump es dertigste landj bie de NAVO, naodet 't de toetrejjingsakte neerlagde bie 't Amerikaanse ministerie van Boetelandse Zake in Washington DC. "Naord-Macedonië maak noe deil oet vanne NAVO-familie, 'n familie van dertig lenj en bao 'n miljard luuj. 'n familie die gebaseerd is op de zekerheid det v'r, welke oetdaginge v'r dan ouch aangaon, same sjterker en veiliger zien", zag Jens Stoltenberg, sikkertaar-ginneraal vanne NAVO.
De NAVO-bondgenote hadde in fibberwarie 2019 't toetrejjingsproces van Naord-Macedonië óngerteikend, woenao alle 29 nationaal parlemente 't lidmaatsjap höbbe geratificeerd. 't Balkanlandj kós pas toetrejje toet 't bondgenootsjap naodet 't ziene naam verenderde nao "Naord-Macedonië". Grekelandj had es EU- en NAVO-lid veurheen eder toenadering van 't landj toet westerse bondgenootsjappe geblokkeerd.
"De toetrejjing van Naord-Macedonië toet de NAVO zal 'n groeter integratie, democratische hervorminge, handel, veiligheid en sjtabiliteit inne ganse regio bevordere", zag de Amerikaanse minister van Boetelandse Zakke Mike Pompeo in 'n verklaoring. "De deur vanne NAVO blief aopesjtaon veur lenj die bereid en in sjtaat zien de hervorminge door te veure die nuuedig zien óm aan de hoeg norme van 't bondgenootsjap te voldoon en de verantwaordelikhede en veurdeile van 't lidmaatsjap te aanvaarde", veugde hae dao aan toe.
Maondig óm drie oer sjmiddigs gief 't 'n groete ceromonie in 't huidkerteer vanne NAVO in Brössel, in 't militair commandocentrum in 't Belsje Casteau en in 't trainingscentrum vanne NAVO in Norfolk, innen Amerikaanse sjtaat Virginia.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.