Negetien luuj ómgekómme bie e neergestort vleegtuug in Nepal
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
zóndig, september 25, 2011
Trök nao de veurpagina
spelling: Hoeaglèmbörgsj - Durchzettingssp. - Internasjonalspelling
E vleegtuugóngelök in 't Aziatisch landj Nepal haet gerizzelteerd inne doead van alle negetieën de inzittendje. De vleger waar 'nt reize róndje regio vanne Mount Everes en bevatte sightseeërs.
't Neerstorte vónj kórt naodet 't kóntak mitte vleger verbraoke woort plaats, róndj 07.30 NPT vandaag. Bimlesh Lal Karna, Tribhuvan International Airport reddingsectieleider, informeerdje Agence France-Presse: "Alle neugetieën de luuj zeen euverleje. De Buddha Air-103 koom trögk van 'ne bergvlöch wonaodet t'r inne Kotdadaheuvel stordje."
Eine miens dae ebaord vanne vleger zoot, zoea zag de polies, euverlaefdje 't óngelök óppe heuvel naobie Kathmandu, meh stórf later in e ziekenhoes. Ónger de slachoffers ware tieën Indiërs, twieë Amerikane en 'ne Japanner; de anger drie passenzjeers en drie cabinepersone ware Nepali.
Volges de polies is 'n óngerzeuk nao de aerd en raeje van 't óngelök ópgezat. De zwarte doeas is e paar oer later gevónje gewaore óppe plaats van 't óngelök. Wen 't óngelök gebäördje woor de waersómstenjighede slech mit väöl mis en zwaore raenger.
't Vleegtuug woor ein van 's lendjs "bergvlöchte", die toeriste transporteerdje euvere regio róndje Mount Everes zodet luuj vanoet de raemkes nao versjèllendje bergtoepe kóste kieke.
Brónne
bewirk- "Plane Crashes in Nepal, Kills All 19 Onboard" — VOA News, September 25, 2011
- Deepak Adhikari. "Everest tour plane crash kills all 19 on board" — Agence France-Presse, September 25, 2011
Dit artikel besleit aad nuujs en maak deil oet van oos arsjief van nuujsberichte.