Nuje bisjop bekandjgemaak door bisdóm
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 10 oktoeaber 2018 - De nuje bisjop van Remunj is d'n daeke Harrie Smeets (57) oet Vinroj gewaore. Óm middig woort det tegliekertied in Roeamen en inne bisjopsstad van Limbörg bekandjgemaak. Smeets is d'n opvölger van Frans Wiertz, dae in dieëtsember van 't veurig jaor aafsjied noom. 't Zeuke haet dus bao e jaor gedoerdj, meh de beneuming door paus Franciscus beurdje dus noe. Op zaoterdig 8 dieëtsember wuuertj Smeets gewiedj toet bisjop inn kattedraol van Remunj.
Saer 2004 is de 25 jaor lange geiselike Smeets aktief es daeken in Vinraoj; ouch guuef t'r dao leijing ane próchie, es ouch die van Genp. Binnen 't bisdóm guldj t'r es 'ne wichtige raodgaever. Anen ènj van 2015 woort t'r beneump es e leed van 't kapittel, de alderhoogste raodsinstèlling vanne bisjop. Wiejer besjeftigdje d'r zich mitte beneuminge van pestoears door 'ne kemisje wo d'r in zaat.
Lenjelik steit Smeets bekandj es 'ne pestoear, went in 2012 en 2013 zónj de KRO tilleviesmèssen oet vanoete Groeate Kirk in Vinraoj. Wiejer is t'r saer 2012 de veurzitter vanne Stifting Organizaasje Limbörgse Baevaarte, 'n organizaasje die jäörliks baevaartsreize hèltj veur doezjende baevaartsgengers.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.