Océ geit 200 wirkplaatse sjrappe
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 10 dieëtsember 2018 - De Vinloear printjerfebrieker Océ geit zoea 200 vanne 2.250 werkplaatse sjrappe. Dit wuuertj gezag dore vakbóndj; 't bedrief zelf luuetj nanneet los wieväöl werknummers de baan gaon verlere. Det zów pas anen ènj van jannewarie bekandj waere. De vakbunj höbben aangegaoven e sociaal plan te willen opstèlle zoeadet de luuj mieë tied kriege veur nuuj werk te zeuken enouch luuj ieëre mit pensioen te kónne sjikke.
De winsrizzeltaote van 't bedrief valle vies taenge. Zoea haet 't bedrief al e paar jaor te make gadj mit zwaor verluus; zoea verloor 't bedrief 't veurig jaor bao 55 miljoen. Aldus Océ hèltj det verbandj mitte digitalisering; doordet dit percès zich volduit nump de vraog veur printjers aaf.
De kómmendje jaore wiltj de printjermaeker zoea 35 miljoen gaon bezunige; 'n köstevermindering van 10 percent. Me wiltj de prioriteite gaon versjuve: minder perdukóntwikkeling en juus mieë verkoup. De aafdeiling gaon ze betrachte wie me efficiënter kan gaon wirke. De prioriteit kump dus veural te ligken op 't verdene van geldj.
Brónne bewirk
Dit artikel besleit aad nuujs en maak deil oet van oos arsjief van nuujsberichte.