Op Limbörgse flaaj mót Limbörgs fruit!
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 25 april 2018 - Sèstig Limbörgse fruitteelders zeen stinsdigs saoves samegekómme veur 'n actieplan op te stèlle veur 't imago van 't Limbörgs fruit.
Det is nuuedig veur de Limbörgse fruitteelders oete sliek te trèkke nao mieëder slechte ougste door slech wsrt. "Limbörgs fruit mót oppe Limbörgse flaaj", aldus fruitteelder Ljón Knies.
Min luuj zólle daobie stilstaon det Limbörgse flaaj lang neet ummer wuuertj gemaak van ingrediënte die vanne Limbörgse baom kómme. De fruitteelders vinje det dao verangering in mót kómme.
Aldus Knies oet Baolder en zien vakgebreuder is Limbörgs fruit noe te anoniem. "Consumente höbbe gein idee wo häör fruit vanaaf kump. Veer wille zichbaarder zeen en de rillaasje lègke tössen 't fruit det de luuj aeten enne sjoean fruitbleujinge die edereinen op dit memènt zuut in 't Limbörgs landjsjap."
Aldus Knies mót waere gewróch aan 't imago van Limbörgs fruit. Daoveur is 'n actieplan aangebaoje bie 't Pervinsjehoes. "V'r höbben ós es teelders oete pervinsje samegeveug en wille det 'n bewaeging óntsteit. Dizdaags is daoveur d'n ieëste steeg gezatte gewaore."
Dit artikel besleit aad nuujs en maak deil oet van oos arsjief van nuujsberichte.