Paot elefantegraas mót ónkroed aafhaje
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 8 mei 2020 - In Neejwieërt geit elefantegraas gepaotj waeren en gesnupperdj veur ónkroed te waere. Me geit 't graas paoten op e percieël naeve de A2, det 't de kómmendje 15 jaor g'ous kan waere. 't Aziatisch elefantegraas mót daoveur zörge det me geldj kan besparen in 't greunóngerhaad. Wen 't gesnupperd wuuert kónne de stengelen es strui in plantsoene gebroek waere. Dit maak 'ne buffer oppe gróndjlaog, wodoor ónkroed neet mekkelik daodoorhaer kump. Es biekómmendj veurdeil sleit elefantegraas väöl fienstóf en kaolzoer op.
Elefantegraas kan toet veer maeter hoeag waere. De gepaotdje rootstekke zeen mer e paar centimaeter hoeag. Volgruidj haet 't väöl eweg van e reetveldj. Boete langs de A2 op zal 't ouch waere gepaot es greun aafsjeijing bie 'n woonwiek. Neejwieërt is ein vanne ieëste gemèndje wo 't graas wuuert gepaot, g'ous en gebroek. Toet noe aan is 't ouch bie Sjiphol te vinje wo 't veugel eweg mót haje bieje start- en lanjingsbane vanne vlegers. Hie staon e deil hektaren aan elefantegraas.
Nanneet al is bekandj euvere graassaort. In taengestèlling toet bamboe zal 't neet zelf zich oetstruie wie ónkroed, wodoor m'n 't mót kónnen inpirke. Me wètj allein neet wie 't zich euvere periood van mieëder jaor óntwikkeltj. Me dink dus neet det 't elefantegraas zelf 'n plaog wuuert.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.