Plestik vervoeltj Meuleplas bie Staeveswaert
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 28 mieërt 2019 - Microplestik, hieël klein deilkes aan plestik, haet de Meuleplas in Staeveswaert vervoeldj. Dees deilkes kómme van e plestikverwirkendj bedrief en zeen via de Gelaenbaek hie terechgekómme. Netuurmonumènte duit hie-euver aangifte veur vervoeling.
De plestikdeilkes ligke noe veural ane waterkantj vanne Meuleplas. Normalerwies waere dees door waterzuveringsinstallaasje van 't Watersjap oet 't water gehaoldj, meh door 't hoeagwater kóste dees installaasjes neet al aan en is e groeat deil inne netuur gekómme. 't Wrank is det de Meuleplas 'n plaats is wo me haw beslaote zoea min wie meugelik in te griepen enne netuur ech zienen eige gank te laote gaon. De sjaaj is zowiezoea lestig te herstèlle.
Ane waterkantj graze noe Konikpaerd en Gallowayrinjer, esouch klènder bieëster wie waterveugel en reptiele. Boetedet kan de plestik oete Meuleplas ouch de Maas in struimen en zoea oetkómmen inne zieë.
De opruming vanne vervoeling wuuertj lestig. Veural doordet de plestik tösse de stein en in 't graas ligk. Aangezeen de deilkes zoea klein zeen kan me 't neet handjmaesig gaon oprume. Me zal gaon experimentere mit 'ne masjenale snipperzuger.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.