Pliesie-affaer Haors: zeve agente verdach van 'n misdrief
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Venlo - Zeve agente van de pliesie in Haors waere verdach van straofrechtelike vergriepe. Det is de oetkoms van rieksrechercheónderzeuk nao de pliesie-affaer Haors. Doanaeve zien tieën pliesie-ónderzeuke 'kepot' gegaon vanwaege ónrechmaotig handele van de Haorster agente, zaet 't OM. In die straofzake is de vervolging gestaak of 'n al oetgespraoke vonnis neet oetgeveurd gewaore.
Det meldt persoffeseer van justitie Resie Peters.
Vief agente zien al door de pliesie Limburg óntslage nao 'n groeët disciplinair ónderzeuk nao misstande beej 't basisteam Haors-Pieël en Maas. Zes ander agente woorte leechter bestraof.
Of de zeve agente, die noow straofrechtelik waere verdach, ech veur de rechter kómme, is nog ónbekind. 't OM bestudeert in de zomer 't rieksrechercherapport en geit dan beslisse of gedaagvaard wuuert en wae veur welke feite, aldus persoffeseer Peters.
Óndutelik is aevel wae van de verdachte agente op dit moment nog aan 't werk zien. De pliesie zelf is volges 'ne waordveurder nog neet op de huuegte van 't ónderzeuk van de rieksrecherche. Op dit moment steit nemes waeges de Haorster affaer op non-aktief, boete de vief óntslage.
Noadet de misstande in Haors begin 2019 aan 't leech kwame, haet 't OM 1307 zake bekeke, mit tieën 'besmette' dossiers es oetkoms. Die zien aafgehandeld gewaore mit sepotbeslissinge, 't intrekke van de daagvaarding, 't stillegge van de rechsgang of 't veurkómme van oetveur van de straof.
Die letste zaak betröf 'n drugszaak in de Melderse, bleek ierder al oet ónderzeuk van De Limburger. Agente die kilo's drugs vónde beej dreej Pole thoes knoeëjde vermoedelik mit 't proces-verbaal en de regels róndum de doorzeuking. De taakstraofe die in verband mit dees zaak al opgelag gewaore zien, hove neet te waere oetgeveurd.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.