PostNL maag bezörging oetbesjtaeje, desnoeds aan pizzakoreers
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
15 juni 2018 - De posmert geit op de sjöp, haet sjtaotsikkertaer Keijzer van Ikkenomische Zake bekèndjgemaak. Zoe kinne breve dalik door pakkètdeenste of kónkurente van PostNL waere bezörg. In theorie kinne zelfs pizzakoreers breve gaon versjpreije.
"Veer mótte get doon óm te veurkómme det 'ne poszegel ónbetaalbaar weurt", zaet Keijzer. Daoveur wil 't kabbenèt det PostNL 't bezörge van 'ne breef kan oetbesjtaeje aan anger partieje.
Det beteikent det de posmert wiejer weurt geliberaliseerd. Kónkurente moge gaon samewirke mitein, bieveurbild óm de bezörging in dunbevolkde gebeje in sjtandj te hawwe. Oetgangspuntj blief det breve vief daag per waek waere bezörg. Ouch 't aantal brevebösse blief geliek.
Wie minder breve, wie hoeger de köste
Noe mót PostNL vief daag per waek zelf in gans Nederlandj bezörge. 95 procent van de breve mót op tied zeen aafgelieverd gewaore. Mer det kan neet mier oet, zaet 't posbedrief. Want veer versjikke sjteeds minder breve. De wieväölheid is in teen jaor tied gehauveerd tót 2,5 miljard breve.
Wie minder breve waere versjik, wie hoeger de köste per breef waere. PostNL haet al mótte bezunige, de volgende sjtap is 't verhoege van de pries van 'ne poszegel.
"Deense toesjtenj"
't Kabbenèt wil veurkómme det de Nederlandjse posmert dalik liek op dae van Denemarke. Dao weurt de pos nog mer twie daag per waek bezörg en kos 'ne poszegel ruum drieënhauven euro.
De poszegelpries is in Nederlandj de aafgeloupe 15 jaor verdobbeld van 39 eurocent nao 83 eurocent.
In 1807 waas de ierste poswèt 'n feit. Daoin kreeg de sjtaot de monopolie euver 't breefverkier tót 1 kilogram. 't Doel waas 'ne liege pries en 'n hoeg betroewbaarheid.
10 jaor geleje is de posmert aopegebraoke. De consumentepos bleef exclusief veur PostNL, mer op de zakelike mert mochte nuuj sjpelers zich melde. Toch gebeurde det amper, ómdet de mert te klein is. Sandd óntpópde zich es d'n einigste groete sjpeler.
Brónne
bewirk- De gezèt.
Dit artikel besleit aad nuujs en maak deil oet van oos arsjief van nuujsberichte.