Presentatie DOEboek

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich



Vriedig 22 juni jl. vónj op 'n sjitterende locatie de prizzentatie plaats van 't Limburgs DOEbook veur de jeug. In de bezeukersruumte van de gerestaureerde tore van kesjteel Mofert troffe de mitwèrkers aan dit book zich ónger 't genot van kóffie, thee, fris en 'ne knapkook.

Gasheer Fedor Coenen van Stichting Kasteel Montfort haet gezorg veur 'n twelftal kinjer in de doelgroeplaeftied van 't DOEbook. Veldeke Kemissie Volkscultuurveurzitter Yvonne hèt ederein welkom en sjtèlt de aanwezige veur aan de kinjer sónger name te numme.

't DOEbook is bedoeld veur kinjer. Daoróm wiejer gènne kal euver de köp van de kinjer nao de volwassene, mer mit de hele groep nao boete.

Op de binneplaats duit Riky 'ne ren-je-rotquiz mit de kinjer en Lobke duit sjpelkes mit gezette.

Den waert 't tied det de DOEbeuk 'ns oppe proppe kómme. Fedor vertèlt 't verhaol van Hugo de Groot en de bokekis. In 't kesjteel van Mofert is ouch 'n bokekis gevónje in de kerker. De kinjer moge die d’r same oet gaon haole. Bie de opgravinge is ouch 'ne sjleutelboes gevónje. 't Doert efkes eer de passende óntdèk is. Yep, 'n kis vól DOEbeuk, veur eder kindj ein. Sommige beginne d'r medein in te laeze. Den gaon v'r truuk nao binne, wo ouch de redaksielede en alle mitwèrkers 'n eksemplaar kriege es dank veur häör werk.

Dao waert nag bès lang gezellig naogekald. De miense vanne redaksie sjpraeke aaf nao de fekansie nag ‘ns bie-ein te kómme.

't Limburgs DOEbook veur de jeug is 'n uniek samewèrkingsprojek van Veldeke, Jong Nederland, IVN, Media Groep Limburg en waert óngersjteund door BV Limburg. Zo kós 'n 100 bladzij tèllend book óntsjtaon mit aandach veur typisch Limburgse óngerwerpe, dialek, natuur en det op 'n sjpeelse meneer gebrach: de kinjer kènne mit dit book sjpelenderwies op óntdèkkingsreis door Limburg.

't Book is veur € 14,95 te kriege bie de verkouppuntje en de webshop van 't Mooi Limburgs Boekenfonds.

Veldekekringe kónne 't book bie Pieter Ebus bestèlle tieënge 'ne gereduceerdje pries.


Brónne bewirk



Dit artikel besleit aad nuujs en maak deil oet van oos arsjief van nuujsberichte.